اكواخ ايدر واوزنجول… أجمل ما في ريزه وطرابزون بين يديك

هل خطر ببالك مرة كيف ممكن تكون الإقامة وسط الضباب؟ أو كيف بيكون طعم الصباح لما تصحى على صوت شلال ومشهد جبلي أخضر يلامس الغيم؟
في شمال تركيا، وبالتحديد بين مرتفعات ريزه وسهول طرابزون، بتلاقي وجهتين من أجمل أماكن الاسترخاء والسكينة: اكواخ ايدر واكواخ اوزنجول.

هالمقال هو دليلك لتكتشف تجربة مختلفة تماماً بعيداً عن ضجة المدينة، أكواخ تركيا اللي بتجمع بين البساطة والفخامة، وبين الطبيعة الخلابة والراحة المطلقة.

اكواخ اوزنجول… سحر البحيرة في قلب طرابزون

اوزنجول من أشهر القرى السياحية في شمال تركيا، وتقع جنوب شرق مدينة طرابزون. أول ما توصل، رح يأسرك مشهد البحيرة الممتدة بهدوء بين الجبال الكثيفة الخُضرة من كل صوب ومجموعة الأكواخ الخشبية المنتشرة حوالينها. اكواخ اوزنجول هي الخيار الأول لكثير من المسافرين يلي بدهم يقضوا وقت هادئ وسط الطبيعة، سواء كانوا عائلات أو أزواج.

القرية صغيرة، لكن فيها كل شي بتحتاجه: مطاعم، مقاهي، محلات صغيرة، ومسارات مشي على ضفاف البحيرة. الأكواخ تختلف بأسعارها وتجهيزاتها، فيك تلاقي شي بسيط وعملي، أو تختار شي أفخم مع جاكوزي وشرفة مطلة.

 أشهر اكواخ اوزنجول:

• Inan Kardesler Bungalow: من أشهر الخيارات، موقعه قريب من البحيرة والخدمات.
• Ada Bungalow Hotel: كوخ خشبي بإطلالة جميلة، مع إفطار تركي تقليدي.
• Zeren Apart Wooden Houses: مناسب جداً للعائلات، خاصة إذا بدك تقعد أكثر من يومين.

أماكن قريبة لازم تزورها:

طبعاً أول شي بحيرة اوزنجول، يلي بتمشي حولها وبتاخد صور خيالية، خصوصاً وقت الغروب. كمان فيك تطلع مشوار بسيط لمرتفعات دمير كابي، تبعد حوالي 20 دقيقة، لكن المنظر هناك بيستحق الطريق. وإذا كنت جاي من طرابزون، فيك توقف عند شلال شيرا (Şera Şelalesi)، يلي على الطريق وبيشكل محطة مثالية للاستراحة والتصوير.

كيف توصل إلى اوزنجول:

أقرب مطار هو مطار طرابزون، ومنه فيك توصل لاوزنجول بسهولة. بدل ما تستأجر سيارة أو تحتار بخيارات النقل، نحنا منوفر لك سائق خاص يتحدث العربية، خبير بالمنطقة والمعالم السياحية، وبيرافقك طول الطريق براحة وأمان.

المسافة بتاخد تقريباً ساعة ونص، والطريق ممتع بحد ذاته بين الجبال والغابات. ومع وجود سائق يعرف كل الزوايا الحلوة، ممكن تتوقف بأجمل النقاط للتصوير أو الاستراحة. وإذا كنت حابب توسّع رحلتك، فينا ندمج بسهولة بين اكواخ اوزنجول واكواخ ايدر، لأن الطريق من طرابزون بيمر بمحافظة ريزه.

هيك بتعيش تجربة متكاملة بين البحيرة والضباب، بأجمل مناطق الشمال التركي.

مدينة طرابزون هي المحطة الأولى للانطلاق نحو ايدر وأوزنجول، وبتجمع بين الجمال الطبيعي والحياة الحيوية. تعرف أكثر في مقالنا  على طرابزون ولماذا هي الوجهة المفضلة للعرب

اكواخ ايدر… الضباب والدفا في أعالي ريزه

في أعالي جبال الشمال التركي، وتحديداً ضمن أحضان محافظة ريزه، بتقع قرية ايدر، واحدة من أجمل الوجهات الطبيعية لعشّاق الجبال والضباب. هالمنطقة معروفة بمرتفعاتها العالية، غاباتها الكثيفة، وهواءها النقي، لكن أكثر شي بيميزها هو اكواخ ايدر، الأكواخ الخشبية يلي بتخليك فعلياً تحس إنك عايش وسط الطبيعة.

الأكواخ موزعة بين الغابات وعلى سفوح التلال، وغالباً مصممة بطابع ريفي بسيط من الخارج، لكن من الداخل بتكون مجهزة بكل وسائل الراحة. فيك تختار كوخ صغير فيه مدفأة تطل على الجبل، أو واحد أكبر مع جاكوزي وشرفة تحس فيها إنك فوق الغيم.

أشهر اكواخ ايدر:

• Ayder Doğa Resort Bungalows: واحد من أكثر الأماكن شهرة، بإطلالة مباشرة على الوادي.
• Kackar Wooden Houses: هدوء تام وتصميم دافئ مناسب للأزواج.
• Ayder Elizan Wooden Houses: أجواء عائلية، وخدمة ممتازة للضيوف.

أماكن قريبة ما تفوتها:

أول مكان لازم تزوره هو شلال جالينتولو (Gelintülü Şelalesi)، شلال قوي وساحر يبعد دقائق عن الأكواخ. كمان فيك تروح على الينابيع الحارة في إيدر (Ayder Kaplıcaları)، وهاي تجربة رائعة خصوصاً إذا الجو بارد. أما إذا حابب تطلع شوي أعلى، فـ مرتفعات هزر (Huser Yaylası) بتقدم مشهد ساحر ما بيتكرر

كيف توصل إلى ايدر؟

الطريق الأسهل للوصول إلى اكواخ ايدر هو من مدينة طرابزون، يلي فيها مطار دولي بيستقبل رحلات من عدة دول. من المطار، بتقدر تنطلق معنا برفقة سائق خاص يتحدث العربية، وبيضمن لك رحلة مريحة ومليانة محطات حلوة.

الرحلة بتستغرق حوالي ساعتين، وبتقطع فيها مناظر خلابة بين الجبال والأنهار، مروراً بمحافظة ريزه. هون فيك توقف لتزور مزارع الشاي الشهيرة، أو تاخد استراحة على فطور تركي تقليدي بإطلالة خضراء. وإذا كنت حابب تضيف لمحطتك الجبلية تجربة مائية هادئة، فيك تتابع رحلتك من ايدر إلى اوزنجول بكل راحة وبدون ما تشيل هم الطريق.

أيهما تختار؟ اكواخ ايدر أم اكواخ اوزنجول؟

إذا كنت من الناس يلي بتحب الطبيعة الجبلية، والجلوس بين الغيم، وبتدور على خصوصية أكتر وهدوء بعيد عن الناس، فـ اكواخ ايدر هي الخيار المناسب. لكن إذا بتحب تقضي وقتك جنب بحيرة، وتكون قريب من مطاعم وأسواق وخيارات متنوعة، فـ اكواخ اوزنجول رح تعجبك أكتر.

كل وحدة منهم بتمثل وجه مختلف من جمال أكواخ تركيا. والجميل؟ إنك مو مضطر تختار واحدة فقط… فيك تزور الاثنين معاً بنفس الرحلة.

وإذا كنت حابب تعيش تجربة مشابهة من الراحة والهدوء بس أقرب لإسطنبول، فـ أكواخ وفلل صبنجة بتقدم لك أجواء مثالية مع إطلالات ساحرة على البحيرة.

نصائح مفيدة عند الحجز في أكواخ تركيا

1. احجز قبل فترة، خاصة إذا ناوي تروح بالصيف أو في الإجازات.
2. تأكد من تفاصيل الكوخ: هل فيه تدفئة؟ فيه شوفاج؟ كيف شكل الإطلالة؟
3. لا تعتمد فقط على الصور، اقرأ تعليقات وتجارب الناس، خصوصاً المسافرين العرب.
4. خليك قريب من الخدمات (إذا كنت مع عيلة)، أو اختار مكان منعزل (إذا بدك خصوصية).
5. ما تنسى تاخد جاكيت حتى بالصيف، الجو بارد فجأة خصوصاً في إيدر.

ختاماً:

الشمال التركي مش بس مكان للسياحة، هو لوحة طبيعية حيّة، بتخليك ترجع لنفسك، وتتنفّس راحة ما بتلاقيها بسهولة.

وإذا كنت جاهز تعيش هاللحظة، فريق FGI Travel جاهز ليساعدك. من حجز الأكواخ إلى توفير سائق خاص يعرف كل تفاصيل المنطقة، رح نهتم بكل خطوة لتكون رحلتك سهلة، مريحة، ومليانة لحظات حلوة.

احجز معنا وخلي رحلتك القادمة تحكي حكايتك أنت… في أحضان اكواخ ايدر واوزنجول.