أفضل الأماكن السياحية في طرابزون بشهر أيلول

شهر أيلول من أجمل الأوقات لزيارة طرابزون. الجو بيكون معتدل، الطبيعة لسه خضرا وفي نفس الوقت ألوان الخريف بتبلّش تظهر، وهالشي بيعطي الرحلة نكهة خاصة. إذا عم تدور على أفضل الأماكن السياحية في طرابزون بهالفترة، ففي ثلاث وجهات لازم تكون على خطتك: أوزنجول بمياهها الساحرة، همس كوي بأجواءها الهادية وضبابها المميز، وريزا اللي بتشتهر بمزارع الشاي على مدّ النظر. بهالأماكن رح تلاقي الطبيعة، الراحة، والتجربة اللي بتخلي رحلتك مختلفة.

أوزنجول تركيا.. البحيرة اللي سرقت القلوب 

لما تزور طرابزون بشهر أيلول، من المستحيل ما تخطر ببالك أوزنجول. هي بحيرة محاطة بسلسلة جبال شاهقة ومغطاة بالغابات، ومع بداية الخريف بتتحول لألوان ساحرة بين الأخضر والذهبي. الجو معتدل وهادئ، والمكان مناسب للمشي على الممرات الخشبية حوالين البحيرة أو حتى استئجار دراجة للتمتع بالمناظر الطبيعية.

اللي بيميز أوزنجول بشهر أيلول إنها أقل ازدحام من الصيف، ومع هيك بتضل المطاعم والمقاهي مفتوحة، خصوصاً المطلة عالبحيرة واللي بتقدّم أشهى أكلات البحر الأسود مثل كباب الكفتة وسمك السلمون النهري. 

كمان في أنشطة بتخلي الرحلة أمتع مثل تجربة القوارب الصغيرة على البحيرة أو التجديف لمحبي المغامرة. غير هيك، في أماكن مخصصة للتصوير بتخلي صورك تطلع كأنها بطاقات بريدية

ميدان طرابزون والسوق الشعبي 

وإنت رايح أو راجع من أوزنجول، ما فيك تغفل عن ميدان طرابزون، اللي بيعتبر نقطة التقاء كل شي بالمدينة. هناك رح تلاقي ساحة واسعة مليانة حياة: مطاعم محلية، كافيهات تركية كلاسيكية، ومحلات بتبيع منتجات تقليدية. الميدان نفسه موقع مثالي للتنزه مساءً ومشاهدة أجواء أهل طرابزون اليومية.

قريب من الميدان، رح تلاقي السوق الشعبي طرابزون، واللي بيعتبر تجربة بحد ذاتها. السوق مليان ألوان وروائح: بهارات، شاي أسود طازج من ريزا، عسل جبلي، وحتى تذكارات يدوية. هاي الأماكن هي فعلياً فرصة لتتعرف على الثقافة المحلية وتاخد معك شي أصيل من رحلتك

همس كوي.. القرية اللي بتخليك تلمس الغيوم

من بين أفضل الأماكن السياحية في طرابزون اللي لازم تزورها بشهر أيلول، همس كوي، القرية الصغيرة اللي شهرتها طلعت من أمرين: ضبابها اللي بيغطي البيوت وكأنك ماشي بين الغيوم، وجبنتها الطازجة اللي بتعتبر من أطيب أنواع الجبن بتركيا.

أجمل شي بزيارة همس كوي إنك ممكن تفيق الصبح وتفتح شباك الفندق أو الكوخ وتلاقي الضباب حرفياً داخل على غرفتك! هالتجربة ما رح تعيشها بسهولة بأي مكان تاني.

 غير هيك، طبيعة القرية نفسها بتخليك تحس إنك بعيد عن كل صخب المدن: بيوت حجرية خشبية موزعة بين المروج، أنهار صغيرة بتمر من وسط الوادي، وأصوات العصافير اللي بتكسر هدوء المكان. المشي بهالمسارات بيخليك تعيش أجواء ريفية صافية وصادقة

إذا بتحب الأماكن اللي مو الكل بيزورها، واللي بتحسسك إنك اكتشفت سر من أسرار الشمال التركي، فـ همس كوي خيار لازم ينحط بخطتك

ريزا تركيا.. موطن الشاي اللي ما بتشرب متله بمكان تاني

لما نحكي عن أفضل الأماكن السياحية في طرابزون، ما فينا نمر من دون ذكر ريزا تركيا. هي المدينة اللي بتعتبر عاصمة الشاي التركي، والمكان الوحيد اللي ممكن تعيش فيه تجربة مختلفة تماماً، إنك تشرب كاسة شاي وأنت قاعد بمزرعة فوق الغيوم، وتشوف بنفسك كيف الورق الأخضر بيتحول للمشروب الأحمر اللي ما بيغيب عن أي سفرة تركية.

الفضول الحقيقي بيبدأ لما تزور واحد من مصانع الشاي هناك. بتشوف المراحل خطوة بخطوة، من القطاف اليدوي اللي بيصير عادة بأواخر الصيف وبداية الخريف، لحد التعبئة. والأجمل إنك بتقدر تذوق الشاي الطازج مباشرة، وصدقني طعمه مختلف 100% عن أي شاي ممكن تشتريه من السوق.

غير مزارع الشاي، ريزا محاطة بجبال ووديان خضراء بتخلي الطريق إلها جزء من المغامرة. وكمان فيها أكواخ خشبية بتتوزع على سفوح الجبال، مناسبة للإقامة ليلة أو ليلتين بعيد عن الضجة. تخيّل تصحى الصبح وتفتح الشباك على منظر مزارع الشاي وكأنك عايش فوق العالم!

وإذا حابب تعرف أكتر عن تجربة الإقامة بين الطبيعة، تقدر تقرأ مقالنا أكواخ أيدر وأوزنجول… أجمل ما في ريزا وطرابزون بين يديك

أسئلة شائعة حول أفضل الأماكن السياحية في طرابزون 

1. كيف بيكون الطقس في طرابزون بشهر أيلول؟

الجو معتدل ومناسب للتنزه، متوسط الحرارة بيكون بين 15 – 23 درجة مئوية. أحياناً بيظهر الضباب خصوصاً بمناطق مثل همس كوي وأوزنجول تركيا، فالأفضل تاخد معك جاكيت خفيف.

2. هل بقدر أزور أوزنجول وهمس كوي وريزا تركيا بنفس الرحلة؟

نعم، المسافات بينهم قريبة نسبياً، لكن إذا بدك تعيش التجربة براحة يفضل تخصص يوم كامل لكل مكان، خاصة إذا بدك تستمتع بالجلوس في ميدان طرابزون أو التسوق من السوق الشعبي طرابزون.

3. شو أفضل وسيلة تنقل من مطار طرابزون لهالأماكن؟

الأفضل استئجار سيارة من مطار طرابزون لأن الطرق جبلية وجميلة للتوقف، أو ممكن تتفق مع سائق محلي يعرف الأماكن أو رحلة جماعية سياحية.

4. هل في أماكن إقامة مميزة بهالمناطق؟

طبعاً، في فنادق صغيرة وكبيرة حوالين أوزنجول تركيا، أكواخ خشبية فوق الجبال في ريزا وخاصة بآيدر، وأماكن ريفية بسيطة في همس كوي مناسبة لعشاق الطبيعة والهدوء.

5. ليش أحجز رحلتي مع FGI Travel؟

لأن FGI Travel بتقدملك تجربة كاملة بدون تعب: من استقبال المطار وتنظيم النقل، لجولات خاصة بـ أفضل الأماكن السياحية في طرابزون مثل أوزنجول، همس كوي، وريزا، وحتى المساعدة في اختيار فنادق أو أكواخ مناسبة إلك ولعائلتك. الهدف إنك تستمتع بكل لحظة بالرحلة بدون ما تشيل هم التفاصيل.

ختاماً:

فصل الخريف وشهر أيلول خاصةً هو الوقت المثالي لتكتشف أفضل الأماكن السياحية في طرابزون، من جمال أوزنجول وضباب همس كوي لسحر الشاي والأكواخ في ريزا. كل مكان فيهن عنده طابع خاص وتجربة بتضل بالذاكرة.

وإذا حابب رحلتك تكون منظمة ومريحة من لحظة وصولك إلى مطار طرابزون لحدود آخر يوم، تواصل مع FGI Travel واحجز رحلتك بخطوة بسيطة… وخلي الباقي علينا